我哋到埗後要隔離10日，因為我係book Agoda Home (類似Airbnb)，間apartment有廚房可以煮食，唔想餐餐都 Deliveroo 或 UberEats，就唯有上網去超市買食材。
我暫住呢一度，都唔係全部超市網站肯送貨，好似Sainsbury’s就話唔送。有朋友介紹，申請 Amazon Prime account 可以頭1個月免費送貨，不過啲食物種類就冇超市咁多。我試咗 TESCO網站 唔錯，所以同大家介紹吓。不過，最大問題係，送貨上門嘅 timeslot 實在太爆，我呢區要去到兩星期後先有多啲選擇。就算係揀而家周圍都係嘅 Click & Connect 到店自取，都要等成個星期。不過畀一個小貼士大家，只要你keep住唔同時間上去 F5 refresh 吓，有時都會有啲執雞位，我就試過執到個夜晚 9點至 10點嘅位 (係好夜，最夜去到11點呀！)，要頂住 jet-lag 夜晚9點幾等貨係一大考驗。
食物價錢方面，好似蛋、奶、肉類都比起香港平，而且質素都好啲大份啲，當然如果去貴價啲嘅超市好似 M&S 價錢都會高啲啦！
#英國超市 #TESCO
